Nós Oposicións incorpora a preparación de Técnico de Facenda
Nós Oposicións incorpora a preparación de Técnico de Facenda
Unha nova especialidade cun equipo de preparadores de alto nivel e unha preparación integral desde o inicio da oposición.
En Nós Oposicións seguimos ampliando a nosa oferta formativa con unha nova proposta: a preparación da oposición de Técnico de Facenda.
Unha preparación deseñada para afrontar a oposición con planificación, acompañamento e unha metodoloxía específica, contando desde o primeiro momento cun equipo de profesionais que coñecen de primeira man tanto o funcionamento da Administración tributaria como as esixencias dunha oposición deste nivel.
Un equipo con experiencia profesional e coñecemento da oposición
Un dos principais valores desta nova preparación é o seu equipo de preparadores, formado por funcionarios da Axencia Tributaria e por unha Inspectora de Facenda que acaba de superar a oposición.
Olalla – Inspectora de Facenda, funcionaria do Grupo A1, coa oposición recentemente aprobada. Achega a experiencia máis recente do proceso selectivo e o coñecemento directo das probas e da preparación necesaria para superalas.
Andrea – Funcionaria da Axencia Tributaria, Grupo A2, con experiencia profesional no ámbito tributario e coñecemento práctico do traballo desenvolvido na Administración.
Alberto – Funcionario da Axencia Tributaria, Grupo A2, que achega igualmente experiencia profesional e coñecemento da realidade da Administración tributaria.
Un equipo que combina, polo tanto, experiencia profesional dentro da Axencia Tributaria e coñecemento directo do proceso de oposición, unha combinación especialmente relevante para unha preparación destas características.
Preparación desde o comezo de todas as probas.
A preparación abrangue desde o inicio todas as probas que compoñen a oposición, cunha planificación progresiva para que o alumnado poida avanzar de maneira estruturada ao longo do proceso.
A formación inclúe:
Unha clase semanal de 4,5 horas de duración.
Modalidade presencial e online.
Acceso durante 6 días á semana á Aula Virtual, para facilitar o estudo e o seguimento da preparación.
Simulacros periódicos, orientados a reproducir as condicións das probas e avaliar a evolución de cada opositor.
Acompañamento e planificación durante todo o proceso de preparación.
Setembro, sen custo para probar a preparación
Queremos que quen estea valorando preparar esta oposición poida coñecer de primeira man o equipo, a metodoloxía e o funcionamento da preparación antes de tomar a decisión de continuar.
Por iso, o mes de setembro será completamente gratuíto.
Comeza a preparar Técnico de Facenda con Nós
Se estás valorando presentarte á oposición de Técnico de Facenda, setembro é unha oportunidade para coñecer a preparación desde dentro, traballar co equipo e comprobar se o método Nós se adapta ás túas necesidades.
Unha oposición esixe preparación. Nós achegamos equipo, método e acompañamento para afrontala con garantías.
Reserva a túa praza e comeza en setembro.
