Persoal de Servicios Xerais (PSX)

1º Exercicio · (Obrigatorio e eliminatorio)

• A data de realización deste exercicio non terá lugar antes dos seis (6) meses posteriores á data de publicación desta convocatoria no DOG
• Tempo: Máximo 160 minutos
• Consistirá en contestar por escrito un cuestionario de cento vinte (120) preguntas tipo test e dividirase en dous partes, unha de contido teórico e outra de contido practico:
• A primeira parte do exercicio consistirá en contestar por escrito un cuestionario de contido teórico de oitenta (80) preguntas tipo test, das que vinte (20) preguntas correspóndense coa parte xeral e sesenta (60) preguntas coa parte especifica do programa que figura no anexo I.
  • Dita parte dispoñerá de cinco (5) preguntas de reserva, das cales dúas (2) corresponderán aparte xeral do programa e tres (3) aparte específica.
  • As persoas aspirantes da quenda de promoción interna estarán exentas de contestar as preguntas da parte xeral do programa, polo que contestarán unicamente as sesenta (60) preguntas da parte específica e as correspondentes preguntas de reserva.
• A segunda parte, consistirá en contestar por escrito un cuestionario de contido práctico de corenta (40) preguntas tipo test, relacionado coa parte específica do programa que figura no anexo I.
  • Dita parte dispoñerá de tres (3) preguntas de reserva.
  • As preguntas terán catro (4) respostas alternativas propostas polo tribunal, das que só una delas será a correcta.
  • Cada resposta incorrecta descontará un cuarto dunha pregunta correcta. As preguntas non contestadas non penalizan nin reciben puntuación.
• O exercicio cualificarase de 0 a 100 puntos e para superalo será necesario obter un mínimo de cincuenta (50) puntos.

No acceso pola quenda de promoción interna, superarán o exercicio as persoas aspirantes que consigan, en cada unha das partes. o 50% das respostas correctas, unha vez feitos os descontos correspondentes.

Con todo, de darse o caso de que o número de aspirantes que consigan, en cada unha das partes, o 50% das respostas netas, sexa inferior ao número de prazas convocadas por esta quenda, superarán o exercicio as persoas aspirantes que consigan, en cada unha das partes, o mínimo do 40 % das respostas correctas, unha vez feitos os descontos correspondentes.

No acceso libre, superarán este exercicio as persoas aspirantes que teñan as mellores puntuacións ata completar o número máximo de persoas aspirantes determinado polo resultado de multiplicar por catro (4) o número de prazas convocadas por esta quenda sempre que consigan, en cada unha das partes, o mínimo do 50%, das respostas correctas, unha vez feitos os descontos correspondentes.

Con todo, de darse o caso de que o número de aspirantes que consigan, en cada unha das partes, o mínimo do 50% das respostas netas, sexa inferior ao resultado de multiplicar por catro o número de prazas convocadas, superarán o exercicio as persoas aspirantes que teñan as mellores puntuacións, ata conseguir a devandita cifra, sempre que obtiveran, en cada unha das partes, o mínimo do 40 % das respostas correctas, unha vez feitos os descontos correspondentes

2º Exercicio* (Obrigatorio e eliminatorio)

• Tempo: Máximo 60 minutos
• Constará de dúas probas:
  • Primeira proba: consistirá na tradución dun texto do castelán para o galego elixido por sorteo de entre dous textos propostos polo tribunal.
  • Segunda proba: consistirá na tradución dun texto do galego para o castelán, elixido por sorteo de entre dous textos propostos polo tribunal.
• Este exercicio valorarase como apto ou non apto.

* Estarán exentas de realizar este exercicio as persoas aspirantes que acrediten, no prazo de dez (10) días hábiles contados desde o seguinte ao da publicación no DOG da resolución pola que o tribunal faga públicas as cualificacións do primeiro exercicio, que posuían o día da finalización do prazo de presentación de instancias neste proceso, o Celga 3 ou o título equivalente debidamente homologado.