Convocatoria Traballo Social – SERGAS
Publicada convocatoria para Traballador/a Social do SERGAS.
No DOG 164 do xoves 28 de agosto de 2025 publicouse a resolución do 21 de agosto de 2025 pola que se convoca o concurso – oposición para o ingreso na categoría de traballador/a social.
Podes acceder a dita Resolución premendo aquí.
O sistema de acceso será o de concurso-oposición e constará das seguinte distribución das prazas:
| Categoría | Subgrupo | Acceso libre | Promoción interna | Reserva discapacidade | Total |
| Traballador/a social | A2 | 24 | 29 | 4 | 57 |
A titulación requerida para poder participar no proceso selectivo é o título universitario oficial de graduado/a ou diplomado/a en Traballo Social.
Prazo de presentación de solicitudes: poderanse presentar desde o día seguinte ao da publicación desta resolución no Diario Oficial de Galicia ata o 30 de setembro de 2025, ambos os dous días incluídos.
As solicitudes poderán presentarse por rexistro electrónico, de forma presencial no rexistro xeral dos servizos centrais e periféricos da Consellería de Sanidade e do Servizo Galego de Saúde. A persoa aspirante deberá achegar a documentación requerida, a xustificación documental de todos os méritos previamente rexistrados no expediente electrónico que non acreditase e, se é o caso, a documentación acreditativa do coñecemento da lingua galega.
Fase de oposición:
- 1º exercicio (eliminatorio): consistirá na contestación por escrito dun cuestionario de 50 preguntas tipo test con catro respostas alternativas sobre o contido da parte específica do temario, máis 5 preguntas de reserva, e tamén na contestación por escrito de 50 preguntas tipo test de supostos prácticos sobre o contido dos temas da parte específica do programa e das competencias profesionais da categoría, con 5 preguntas de reserva. O tempo máximo do exercicio será de 150 minutos.
- 2º exercicio (obrigatorio non eliminatorio): consistirá na contestación por escrito dun cuestionario de 10 preguntas tipo test con catro respostas alternativas, máis 2 preguntas de reserva, sobre o contido da parte común do programa, nun prazo máximo de 15 minutos.
- 3º exercicio (obrigatorio non eliminatorio): consistirá na contestación por escrito dun cuestionario de 10 preguntas tipo test con catro respostas alternativas, máis 2 preguntas de reserva, mediante o cal se evidencie o coñecemento por parte dos/das aspirantes da lingua galega, nun prazo máximo de 15 minutos. Estarán exentos/as da realización deste exercicio os/as aspirantes que acrediten posuír o Celga 4, ou equivalente.
QUERES QUE UNHA DESTAS PRAZAS SEXA TÚA? En Nós Oposicións axudámosche a conseguilo e poñemos á túa disposición:
📅Máis de 20 anos de experiencia na preparación de oposicións.
👩🏫Un equipo docente con solvencia e ampla experiencia na preparación da oposición.
📚TEMARIO PROPIO revisado e actualizado polos nosos docentes e adaptados aos protocolos Sergas.
🗺️ CLASES PRESENCIAIS, en STREAMING e GRAVACIÓN DAS SESIÓNS.
🔝Unha formación de garantías refrendada cos resultados acadados polo alumnado Nós ano tras ano.
✅ Para que comprobes en primeira persoa os puntos anteriores, contas con 3 sesións de proba.
Non o dubides e contacta con calquera dos nosos centros para solicitar información sen ningún compromiso.
Nós A Coruña (Fábrica de Tabacos) ☎️ 881993969
Nós A Coruña (Rúa Merced) ☎️981927420
Nós Santiago ☎️ 981938727
Nós Lugo ☎️ 982815466
Nós Vigo ☎️ 986139344
#CompromisoNós
#Comprometidoscunhaformacióndegarantías
